وضع المنتدى الحالي ...ارجو المناقشة منكم ....

السلام عليكم
ارحب بالجميع وتقبل الله صيامكم وسائر طاعاتكم
اما بعد
طبعا اود ان اناقش وضع المنتدى مع جميع الاعضاء وارجو ان اعرف مدى رضاهم عن الوضع الحالي واسباب الرضا او عدمه
وانا بالنسبة لي غير راضية عن الوضع الحالي فقد كان المنتدى سابقا مليئا بالمواضيع الهادفة وكذلك المنوعة فمنها ما يخص المنتدى العام
و المواضيع الجادة والطلبة و القصص والمواضيع الدينية ..........الخ
ولنتكلم بشكل اوضح نحن الان نهتم فقط بمنتدى الالعاب وكلما دخلت لا اجد موضوعا يستحق المشاركة فأذهب الى المواضيع القديمة التي لم اشارك فيها لان المواضيع القديمة بالفعل تستحق المشاركة فهي مليئة بالافكار الممتازة والنافعة والتي تصب في مصلحة الجميع
ففي الوقت الحالي لااجد سوى العاب لا معنى لها ولا تنفع في شيء واستثني من ذلك الالعاب المفيدة ( ان وجدت )
فلماذا لانهتم بمنتديات اخرى ؟؟؟؟؟
فلنأخذ مثالا كانت ليلاس مبدعة في مجال مطبخ المنتدى وكذلك الكثير من المنتديات التي لايسعني ذكرها والان تقتصر فقط على منتدى الالعاب
وكذلك حافية القدمين كانت مبدعة في مجال عالم المرأة و الطب والصحة والكثير من المجالات الاخرى
واما بالنسبة للمنتديات التي فتحت مؤخرا وخير مثال منتدى التحشيش فانها غير لائقة بمستوى المنتدى والشيء الجيد ان اسم المنتدى قد تبدل لان اسم الامام علي (ع) لايمكن ان يكون اسما لمنتدى يحتوي على منتديات للاغاني !!!!!! كان قرار تبديل الاسم صائبا بالفعل وان وجود منتديات اغاني شيء طبيعي فالذي لايحب الدخول لايدخل فمن تدخل فيما لايعنيه لقي مالا يرضيه
واما بالنسبة لحذف العضو علاس لم يتم ولكن فقط تم حذف مشاركاته ونرجو الحذف لانه عضو غير مرغوب فيه ولا يدخل المنتدى الا من اجل اثارة المشاكل

وفي الختام ارجو الاهتمام بالمنتديات الاخرى والمواضيع المفيدة وان ننهل مرة اخرى من ينبوع المواضيع الرائعة والمفيدة واما بالنسبة لادارة المنتدى ارجو منكم الاهتمام اكثر بالمنتدى فليعد كما كان المنتدى سابقا حافلا بالمواضيع الاكثر من رائعة وذات الفائدة الجمة

ونتمنى لكم التوفيق

بعد التحیه والسلام

اختی العزیزه
طبعا المنتدی حاله جدا حلو
وعلی الاقل یتماشی مع المنتدیات الکبیره الاخری

وطبعا
صار عدد الاعضاء اکثر وصارت مواضیع حلوه بالمنتدی

وطبعا ماکو واحد بینا میعرف دینه ودخل للمنتدی حتی یعرفه

یعنی احنا سجلنا بالمنتدی حتی نتونس ونترفه
ومو علمود اطلع علی قصص خرافیه یمکن کذب ویمکن صح
لانها طبعا جایه من روایات
وللعلم المنتدی ماخلی من هچی مواضیع

وبالاضافه الی هذا الشی
وباعتباری مراقب المنتدی

انی مراقب دخولک للمنتدی
ومواضیعک الی تضیفیهه مثل مامراقب کلشی بالمنتدی وکل عضو

بس
انتی دخولک صایر جدا قلیل للمنتدی بالضافه الی قله اضافه المواضیع من طرفک

یعنی بالبدایه کان شغلک کلش زین بالمنتدی
وهسه احسه صایر قلیل
وطبعا الکل معذور اذا قصر بحق المنتدی
لان حتما کان عندک شغل او ضرف بحیث ماگدرتی تفتحین المنتدی وتضیفین مواضیعک الی علمتینا علیهه

اما بالنسبه الی منتدیات الالعاب والاغانی فهذه منتدیات ترفیهیه وموجوده بکل منتدی
وطبعا الی میحب یفتحهه او یشارک بیهه فهذا شی خاص بی

واحنا منرید ندخل للمنتدیات حتی نسمع لطمیات
لان اذا نرید نسمع لطمیات
ماشاءالله قم کلهه حسینیات وترحب بزوارها

لکن مع ذلک احنا نشارک ال البیت باحزانهم وافراحهم
وهذا طبعا واضح من مواضیعک الحلوه الی تضیفیهه بکل مناسبه
وطبعا الشکر الجزیل الک علی هالمواضیع القیمه

اما بالنسبه للعضو
علاس البنات
احنا کان نگدر نحذف اسمه
بس معناها تطلع سمعه علی المنتدی انه یمسح اسماء ومشارکات اعضاءه

وطبعا احنا کنا خایفین یکون هذا العضو من المراقبین علی المنتدیات من (احلی منتدی)وهم طبعا اصحاب المنتدی الاصلیین

اما بالنسبه لاسم المنتدی
فالحمد لله تغیر اسمه
لان اصلا اسم الامام علی علیه السلام میصیر ینوضع علی منتدی
ولان اسم المنتدی کان متعلق باسم المدرسه
وکان عبالک
گاعدین بالصف
مو بمنتدی
فیه حریه التعبیر عن کل شی زین او موزین

-------------------------------------

ولکم منا الاحترام والتقدیر

اخوکـــ
مصطفی الشمری

شكرا على ردكم اخي لكن انا لم اقتصر في حديثي على المواضيع الدينية فحسب بل تكلمت عن المواضيع الاخرى المفيدة وكنت في حديثي اكثر اهتماما بالمواضيع الاخرى
واما بالنسبة الى الترفيه اذا فلنحذف بقية المنتديات ولنبقي منتدى الالعاب
واما بالنسبة لمساهماتي القليلة فالسبب يعود الى وضع المنتدى طبعا دائما اتواجد لكن ما اشارك
واما بالنسبة للمنتدى سابقا وقولكم بأنه كان كالصف اعتبر المنتدى سابقا كان جدا جميل والان هو ايضا في تطور مستمر لكن ليس التطور المنتظر والمرغوب من قبل بعض الاعضاء واحتمال مرغوب من الجميع ما عدا sun light
ولكن هذه وجهة نظري
وطبعا الرأي الاول والاخير للادارة ونتمنى التوفيق للكل

وشكرا لكم

شكرا على الموضوع سان لايت

عینی واختی الغالیه سن لایت
شوطلعتینا کلنا منفتهم وبس حضرتک تفتهمین؟؟

بما انک مامشارکه بغیر منتدی وهذا واضح من کلامچ
فهذا یعنی انک ماتعرفین شنو معنی المنتدی

المنتدی هو المکان الی یستطیع فیه ای شخص التعبیر عن نفسه

وطبعا انتی بکلامچ عبرتی عن وجهه نضرک وهذا شی مقبول ومااعتقد اکو واحد یگدر یگول هذا شی مو صح

لکن انتی تنتظرین رای الاداره
وانی صراحه مدااعرف بشنو تگدر الاداره تساعدچ؟؟
لتصدگین ممکن یرجع المنتدی خامل مثل قبل وممکن اصلا یرجع المنتدی مقتصر فقط علی القصص الخیالیه
لان مثل متعرفین حضرتک
احنا بالالفیه التاسعه وداخلین علی الالفیه العاشره وممعقوله نبقی متعلقین بالمواضیع الخرافیه الی مثل ماذکرت تکون ناتجه عن روایات غیر موءکده المصادر

اما بالنسبه لدخولک للمنتدی وعدم الرد ع المواضیع او عدم اضافه المواضیع فهذا تقصیر منک مو من المنتدی

وبما انه هناک بعض المواضیع الی تعجبک
وتحبین دائما تشارکین بیهه
اتمنی لو تضیفیهه النا حتی نستفاد منهه

لانک الان تلقین کل اللوم علی الاداره وهذا شیء غیر مقبول
لانک انتی الی تدخلین للمنتدی ومتضیفین مواضیع جدیده ومشارکات جدیده

اما بالنسبه لاداره المنتدی فهی الی دتسوی کل شی حتی تجعل من المنتدی
نوعا یتماشی مع امثاله

------------------
اما بالنسبه لحبک للصف
وضوقک ان یکون المنتدی یشبه الصف

فهذا شی غیر مقبولــــ

لان احنا لونرید المکان المذکور کان گعدنا بالصف مال المدرسه وسکتنه
ولادفعنا فلوس انترنت ولا
adsl
علی الصف

یعنی انتی تقبلیهه ندفع قسط للمدرسه وقسط للنت الی حضرتک تردین تسوی مثل المدرسه؟؟؟

وانی طبعا مو قصدی بکلامی اذم المدرسه

بس انی قصدی
انه مثل مااکو وقت للتعلم والدراسه اکو وقت للاستراحه والترفیه عن النفس
کلامی صح لو لا؟؟

------------------------
اتمنی ماکون طولت علیچ

تــــــــ حیاتی الچ
وشکرا علی اهتمامک بالمنتدی

خير الكلام ما قل ودل

بالعكس اخي اني اعترف انه اني ما عندي خبرة بالمنتديات هذا اولا
وثانيا اني اضيف المواضيع الي ارغب فيها في مجال الطب والصحة والمواضيع الجادة وغيرها
وبالنسبة للادارة اني ما انتظر اي تحرك منهم
(احنا بالالفیه التاسعه وداخلین علی الالفیه العاشره ) زين اسأل سؤال ؟؟
منتدانا شنو الي يقدمه بمستوى الزمن الي نعيشه ؟؟؟
لولا القديم ما كان في جديد والقصص مو خرافية كلها
ليش نغض ابصارنا عن الحقيقة منتدانا لو كان موفق مابين اللعب والمواضيع اللطيفة ما كنت كتبت هذا الموضوع لكن ماكو تنويع ابدا
قبل فترة وجيزة كان هناك تنويع رائع ومواضيع مميزة الان موضوع لو موضوعين مميز والباقي حدث ولا حرج
وايضا احنة نمشي ورى المنتديات الاخرى ليش كلها سواسية وكلها زينة ؟؟؟ لو نمشي احنة وية التيار حتى لو يأدي الى الهاوية !!!

وثالثا والاهم اني تعليقي ميطلع الناس متفتهم واني ارسطو
وملاحظة اني ما حبيت ارد لكن بعض الامور استوجبت الرد حتى نعطي مجال لباقي الاعضاء نقرأ وجهات نظرهم

وشكرا جزيلا واعتذر عن اي اساءة ( ان وجدت )

مشکوره حبیبتي ع اهتمامچ الشدید بالمنتدی بالعکس احنه کون ندعمچ ونساعدچ علی الفکره الحلوه اللي عندچ مو نعلق لان الحچیتي کله صح منتدانه صایر مینطاق حته عدنه بعض الاعضاء مثل کوین وسبارو وقیثار] الحب وبنت الرافدین والقبطان میدخلوله اله قلیل لمن سألتهم عن السبب یگولون المنتدی صایر بایخ اصلا اکومواضیع منزلیهه بالقدیم وتریدیلچ رد یوصل الخمس اعضاء ماکو الي میشجع الواحد ینزل مواضیع جدیده المفروض احنه کنه انساهم ابکل المواضیع ان کانت تعجبنه وله متعجبنه لان ردنه ع الموضوع یبیین مدی قیمتنه واهتمامنه بالعضو اللي منزل موضوعه بس بالنسبه ان تریدین تسوین المنتدی مثل المدرسه لا الله یخلیچ لان مدرستنه احنه گضیناهه بالهم والمشاکل وماشفنه من وراهه شي لوما الله ینطیهه المدیره چانت ویانه وتصبر علینه ومنتدی الاغاني بالعکس حبیبتي هذا یعتبر ابوقتنه الحالي احد التطورات بالنسبه للشباب لان تعرفین شباب هذا الزمن طایش ووقت فراغ هوایه عنده بمکان میگضیهه شویه یتوجه الله یسمعله اغنیه حلوه وبالنسبه لمنتدی اللعب بالعکس کلش حلو ویخلي الاعضاء واحد یتقرب من الثاني اکثر ویتعرف علی شخصیاتهم وبالنسبه للقصص اللي ینعتهه الاخ مصطفی بالروایات الخرافیه بله قصدک یاقصص ممکن توضح اکثر confused

بس تدري ان الماضي دایعید نفسه بس بغیر صوره یاحبیبي
واما بالنسبه لعلاس نفسه حذفه یرجع الی ملک العراق والرحال لان بس همه یگدرون یمسحوا سألیهم الهم واني بنظري هوه مسح مواضیعه اکبر اهانه اله واخي امینیم انت تطلب من عدنه نزل مواضیع هوه انت اصلا متدخل ع کل الواضیع ملتهي باللعب المفروض انت کمشرف وموبس انت کلکم انتو المشرفین وحتی الاعضاء المفروض نشوف مشارکاتکم ابکل المواضیع حتی نشجع بتطویر المنتدی عود مثل المنتدیات البقیه الاعضاء کلهه تشارک بالمواضیع کله او بالنسبه للطمیات والمواضیع حول اهل بیت بالعکس کون اکثر نهتم بیهه لان متدرون شنو دیحچون علینه احنه الشیعه واني انشاء الله انزللکم الموضوع الحاچي علینه ودیتمسخرون من اهل بیتنه وهذا کسره للشیعه ولو مابقه منه شي
ومع تحیاتي شریــــــــــــــــــــــــــک I love you

انا اوافق رائ سان لايت المنتدى قبل كان احلا وشكرا

شكرا لك اختي شريك على المرور وابداء الرأي
واحب ان اشكرك على شئ ذكرتي وهو انه المشرفين ميدخلون بكل المواضيع والمنتديات ويكولون متنزلون شيء
واختي العزيزة اني قلت انه المنتدى كان اجمل والاخ قال كان مثل المدرسة واني ما اريد المنتدى مثل المدرسة ولا قلت مثل هذا الكلام ابدا
وشبيه اصلا المدرسة على الاقل منظمة ولها حدود تحكمها واكرر الاخ هو ذكر المدرسة واصلا اني مذكرتها بالبداية ( راجعوا ما كتب اعلاه )
على العموم شكرا لك اختي رأيك جدا صائب وممتاز ونظرتك واقعية نتمنى لك الموفقية
وشكرا ل كوين على المرور وابداء الرأي

» ارجو من جميع الاعضاء الدخول لأمر مهم جدا جدا جدا .....
» كيف تعرف ان موضوعك مكرر في المنتدى ارجو التثبيت
» سجل حضورك بنطق الشهادتين (ارجو المشاركة يوميا)
» ارجو من ملك العراق الدخول
» الى كل عراقي شريف ارجو الدخول!!!!!!!!!