يا عراقي اشوكت تصحة من القتال
ويا عراقي اشوكت تصحة من السبات
ويا وكت ع الظهر ينشد النطاق
انتة ما تتحمل احجاية من اخوك..
اشلون ترضة امريكا تحتل العراق
يا عراق اوياك حد اخر نفس..
واليمس كاعك نكَص جفه اليمين
وما نكَصلة اليسره خافَن يكَول
صرت عباس وطحت لاجل الحسين
يا شعب نقسم عليكم بواحد احد
انريد كون اجفوفكم يتوحدن
انريداكراد وعرب وتركمان
وصابئه وأشور ما يتفرقن
انريد كون الشيعة تفزع للمسيح
وكون اهلنة السنة يبنون الصحن
انريد ما ترجع قضية كربلاء
انخاف بيها اجفوفكم يتكَطعن
انريدمن فلاحنه بوكت الشتال
يزرع الأخلاق ويخضر الوطن
انريد انريد من الاعظمية بالأذان
الصوت يطلع بالنجف يابو الحسن
وبعد كون انريد من دجلة وفرات
يجرن ع الخارطة وما ينشفن
احنه سنة وشيعه غيره وكبرياء
واللي يحب الفرقة ما يستحن
احنة مو جبناء ولا مستضعفين
وابد ما نحتاج عطف الأجنبي
احنة من يزعل طفلنه التوه صار
انشوفة يركض كَبل مرحلة الحبي
يا عراق انتة بشوارب كل شريف
ولايهمك الغدر من واحد غبي
احنة واحدنة على المامش يموت
اشلون لو نسوانه تذب العبي
تحياتي