مـــــــــــــــــــــــــــــــــنــــك لـــــــــــــــــيك

منك ليك

نبجي اعليك منك خاف نوصل ليك
بينه تعيش عمرك نتعب انلاكيك

بسفر سجتنه غيره وجدم حبنه اسنين
عشنه اعلينه نسحك حته نلحك بيك

وشتظن بيك نلحك وانته طولك شوف
وما نلكيك تعرف حته من نلكيك

لأن بس انته تعرف انته يمته وليش
اووين وتكدر انته تفسرنه شبيك

يفوك الفوك فوكك انته بس الفوك
لأن بس انته تكدر نفسك اتجاريك

يمهد العرش مهدك عرش ربك ليك
ومتن طه محمد ملعب الرجليك

وكبل امك وابوك وجدك المختار
حسين الله ربك سيد مسميك

وامك ام ابوهه الزهره ابوهه ايصير
احمد جدك ابنك الي اصبح ليك

علي الاكبر يكع حك من تكع وياه
ارباك ابنك يصير وجد المربيك

حاير بيك اطبلك كلي من يا باب
ودمك راثي دمي بيا وجه ارثيك

حاير بيك اشوفك ما متت يحسين
واشوفنك جسد واجروحك اتواريك

الماي ايوضي غيرك واني اشوف الماي
يتوضه بجـــــــــــــــــلالك يعجز يوضيك

الفرض منك عليك الفرض ما مفروض
توكف والفرض يا سيدي ايصليك

يتالي اول مصيبه الما مثلهه ايصير
ويا اول التالي الما مثل تاليك

يتجند عليك الكون وانته عيون
تصب امروة الله اعله الوكف يا ذيك

يا مولد عطش دين اعله شفة ماي
اليشربك يروه لاجن ماكو من يرويك

حاير بيك اطبلك كلي من يا باب
ويا باب الافتحه يبجي دم اعليك

طفل يتلضه ظيم وخيم تشرب بيك
ونفسه البيك ضامي وبس ضمه يلضيك

سبي اعله الباب ينطر خيم تلهب نار
حرم تشرب جمرهه امجتفه ابطاريك

اجفوف اعله الشريعه ازنود تنزف زود
راس انفشك غيره يواسي ابيك بيك

والعافوك ما عافوك من عافوك
يرضي الباري دمهم جان من يرضيك

يدرون ودرو لو ما درو بالصار
جا ما تلكه ابد يحسين من يفديك

هنيالك عفتهه اعله الرفوف اتلوع
وجبت هذا الجديد بحسرته يواسيك

وخلايه الدم مواكب والكلب رادود
صار وصار كل البيه يبجي اعليك

مثل فر العبيد شلون افر مولاي
ومثل حال الذليل اشلون افرط بيك

كلشي انته بحياتي وبيك عايش ليك
ويحسين وقسم بحسين ما انطيك

:124:

مشكوووووووووووووره

صدك مبدعه

تعجز الكلمات عن الوصف غير ان اقول لك سلمت الايادي ودمت بخير

تحياتي

المشرف العام

مشكورة كوين على الكلمات الروعة

والله مشكورين على المرور

تسلمين موضوع رائع

شكوره على هذا الابداع \ مع تحيات اسد بابل الجريح

عاشت ايدج كوين تسلمين خيتي

مشكورين اخيتي

مشكورررررررررررررررررررررررررررررررررررررررره