ناديت من الغرب محد سمع صوتي
لابوي لا صحبتي لا امي لا خوتي
بالغربه احس مختنكَ وارد ابجي واصرخ حيل
ومرات احس انتهت روحي وقرب موتي
اني وجنطي ارحلت والدمعه بعيوني
لا اخو مني جزع لا اهلي ملوني
عفت الدلال ورحت للغربه نص الليل
دكَيت باب الغرب والمايعرفوني
الما يعرفك ما يثمنك
والما جربك ما يأمنك
درت الشوارع مشي والحيره بقدامي
وضنتي بهذا المشي تتحقق احلامي
ثاري الشوارع ماهي النه
ووجوه ماهي وجوه اهلنه
اشجابني للغرب ليش اتركت بيتي
يا قيمتي عد هلي يا سمعتي وصيتي
راسلت مره هلي وردت انطي عنواني
وبالغربه ابن من انا ويا بيت يرضاني
يا روحي من هُم هلي واشكَد رقم بيتي
لمن اجي تعبان ياهو يتلكَاني
صح البشر بالغرب تحجي ويفهموك
تكََعد اتروح وتجي بس ما يقيموك
انت مجرد شخص متغرب ورحال
عفت اهلك وديرتك واتخضعت للمال
لحظه بعد ما اضل بين الغرب شلي
واسلم على ما بقه من قيميتي احسنلي
خزن بعيني الدمع يم الغرب مبجيت
وارد ابجي مثل الطفل يم باب بيت اهلي
