ابوذيات كلش حلوه وعراقيه

اهداء الى اعز الناس على القلب
زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

**************
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
**************
سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه
**************
جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه
**************
يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه
**************
جيتك وبظلام الليل ...عناي
وعزفت بروحي مية جرح...عناي
بعد ما ظنك تنشد...عناي
بعد هجرك يروح الروح اليه
**************
بنات الوكت يا ناس...مرضني
يرضي بيهن الكلب...مايرضيني
مره يقيني يصيب وياهن...مرضني
ضني بكيدهن ميه بالميه

مع خالص تحياتي

حلوات شـكرا يا جريح ...

سلمت الايادي اسد
وسلمت الدارميات
اخوكم
المشرف العام

مشكورين على مروركما

روووووووووووعه مثلك مشكور

مشکور یااسد ابوذیاتک حلوه

» ابوذيات لاتفوتكم
» مجموعة ابوذيات
» ابوذيات لكل محبي الامام علي عليه السلام
» نكت حلوه
» دارميات حلوه