تدريني صلب بس بيك محتا ر
ولغزك يا حلو ما غيري يفسره
فاهم كل شي طبعاً بس أخاف عليك
ولابـد أكشـفـك والزيـف يـتـعـر ّه
أعرفك من كلامك بالحجي المعسول
متقلب او واضح عندي فد مـرّه
متعلم تراني ودارس ويه ابـليس
مـا تـعبـر عليه الـدمـعـه والـعبره
عجنتك عجن بيدي وطلع حري الكـَاع
وداريتك هواي وبـا لـفـلم ادره
مو آنـا الغشـيم المـا يعرف الناس
ولا آنـه اليـلوذ بـغـيـره وبكتره
بالمـيزان انت امــو زّن ومـحـسوب
واميز البيضه عن السوده والشـكـَره
ما أمدح بنفسي والمدح مذموم
وعندي من التجارب بالعمر وفره
واحسبك تجـربه وتدريني كلش زين
ناجح بالتجــا رب مـكتسب خبره
من كـَتلك اجربك أعرف شما بيك
يمـّي اشطيحك لن ساعتك كـَشره
ما عوفك أبد لمـّن اعرف الناس
شخصك وبـعرفتك مني تتبره
مو جـنت انا اعزك واحترامي وياك
روح الـعب بعيد وشوفـلك مسره
اتمنى ان تنال اعجابكم ورضاكم
