ابو ذيات الشهيد رحيم المالكي ولي يدخل للموضوع يقراله الفاتحه

أحبابي اليوم جبت لكم أبوذيات الشهيد المرحوم الشاعر رحيم المالكي و هذه مو كلهة أكيد أكو بعد بس هذا اللي گدرت أحصله إلكم و أتمنى أن ينال إعجابكم

من هَـمّي الصخـور تـموع و تـذيـب

وعَـلي دِنـياي تِجمَع ضَيَـم وِ تـذِب

إبـن آوى إنجمَع و الـضبـع و الـذيـب

اليطلع الشّـاة ويـنه البـيه حَـميّـة



عَـليك الروح تِسأل ما تـَسَلهة

و تِدري إنتَ العُـواذِل ما تِسِلهة

شِمتـاني سيـوفـك ما تِسِلهة

إذا للضّيـج مَـرّ الضّيـج بـيّـة



ألِـف دِنـياي كِـلهة ما تِـلِفـني

عَـنيد و غـير شَخصك ما تِلـَفـني

عِـمَت عـين المَناية ما تِـلِـفـني

أهِـز دِنـيـة و مَرَة تِـلعَـب عَـليّـة



سِـبّـاح گـلبـي من حَـشاكـُم

وعَـليّـة من العَـواذِل مَن حَـشّاكم ؟

أسِب وأرجع وأگولـن مِن حَـشاكـُم

إعـزاز و من أسِب تِـرجع عَـليّـة



ضلوعي بحَـرْ سِموم الصَيف شَـتـّن

عـلى ضعـون المِـشَـن وبـليل شَـتـّن

يَگـَلبي شمِنـتِـظِـر بالـباب شِـتــّان ؟

سِـرَو غـَبـشة و مِـشَو من غـَير جَـيّـة



يَـكاد الثـوب يـِنشَگ من نـَهَـدهة

و فـَرَح ما شاف گـلبي من أهَدْهَـة

بَـيْ حَـسْـرة عَـليهة من أهِـدْهـة

الـوادِم تِـحـتِـرِگ و آنـة سُـويّـة



عَـليك اللـيـل كِـلـّه آنةوانة

و معاك العِـتـَب هَسّة آن أوانـه

إتـّهَـدّد بالنِـفـاهـة آنـة وانـة

وَينـَك مُو طـُبَگ دَهـري عَـليّـة



أنـَة الواضِح و الِـمبَـيّـن ولا خـاف

و أنـَة الما رِجـفـَن جـدامي ولا خـاف

و آنـَة الما نِگـَص وَزنـي ولا خـَف

إخـتِـفـَيَـت و خـُفِـت خـَف وَزني العَـليّـة



لأن طـَگـّات شِمّاتـي بَـهامـــــاي

وَشّـل لا تِـضِـن عـيـني بـِها ماي

إذا عَـالذِل رِضَة يـبـصُم بَـهاماي

أگِطـعَـه الچـان يـرضالي بـرِدِيّـة



أنـَـــــــة روحي الِلـيـالي مَـرّسَـنـهَـة

الأصيـلة إنتَ تـعَـرِفـهَـة من رِسَـنهَـة

سيـوفـي ما غـمَـدِتـهَـة مَـرّة سِنـهَـة

رگـاب عـداي مُـبـرَدهِـن و إدَيّـة



يَـگلـبي ما نِـفـَع تـَعـبَـك ولا ربـاك

و حِـصتـَك صارَت الـدوخـة و الإرباك

بـطـَريـقـك بَعَـد ما أعايـن ولا أربـيـك

مِـن أطـيعَـك هَـم تِـردني لحَـفـر حَـيّـة



أكابـِر مــــــا أصيحَـن آخ جَـلـداي

يـا سوط الشِـماتـة عُـوف جَـلـداي

لـَحـم الحـيا طِـلـَع و إنـّـزَع جـِلـدي

لـَچَـن ثابـِت و روحـي ذيـچ هِـيّـة



روحي تـشـوف كِـل ذنـّي قـدَرْهة

الزمَـن و النـاس ما تِـعـرف قـدَرْهة

الـعَـواذِل قِـيـسني ويـاهُـم قـدَرْهـة

عَـلـيهُـم أوصَـل لـنـَجـم الـثـَرَيـّــــة



يَـدِنـياي المُصايـب عَـلـَي جَـدْري

إيـتِگـالـَب ما بُـرَد فـَد يـوم جـِدري

أنـة الظـَلـّيَت چَـن مَصيُـوب جـِدري

اليَـراني يـشيـل و يـعُـوف الـثِـنِـيّـة



يَـدِنـيَـة بلـومي و شَـكـواي حِـسّي

و عَـن وَجـهـي غـُبـار الضَيَـم حِـسّي

أظـَل أصرَخ و أصيـح بـعِـلـو حِـسّي

لـَمَـا تِحِسّـيـن يا دِنـيـاي بـِـيـّــــــة



أغـَـيّـم و أمطِـر و أنخـُبـِط و أصْـفـة

على اللِـي راح مِـنـّي و تـاه وَصْـفـه

حَـبـيـبـي و چـان إلِـي لبَـلـواي وَصْـفة

أشِـگ الچـِفـَن لـو مَـر طـَيـفـَه بـيـّـة



عـلى عِـداي من أطـيحَـن خـَردَل أنـّي

يــــــــا وَسْـــفـة اللِـيـالـي خـَردِلـَـنـّي

عُـگـُب ما چـِنِـت مُـصمَـك خِـردَة لـَـنـّي

گِـمِـت ما يـِنـشَـرَة و يـِنـباع بـيـّـة



و حَـگ مَـن كـَوّن الأكـوان و أبْـسَـط

آنـَة أسهَـل مِـن نِسيم الـريح و أبْـسَـط

چـِنِـت أمـلِك مَـخـَدّة صُـوف و بـسـاط

الإجـونـي فــَرْهِـدَو ذنـّي مـن إدَيـّـــــة



أنـة الـما أكـَرّر بـحَـچـيـي ولا أعـيـد

الف شكر لك اسد بابل


تحياتي لك



بسم الله الرحمن الرحيم الحمد لله رب العالمين الرحمن الرحيم مالك يوم الدين اياك نعبد واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الظالين

بسم الله الرحمن الرحيم


قل هو الله احد الله الصمد لم يلد ولم يولد ولم يكن له كفوا احد

مشكور اسد عاشت الايادي وننتظر جديدك دائما


تحياتي اليك

مشكور يا اسد على الموضوع الرائع

شكرا اسد بابل الجريح على هذا الموضوع الرائع

شكر ا على مروركم يا احبائي
اتمنى لكم الموفقيه والسداد
واتمنى قراءة سورة الفاتحه لهو

اشکرک اخی اسد علی الابوذیات الرائعه

شكر لله سبرو
اشكرك على مرورك
مع تحيات المخلص
اسد بابل الجريح