رسالة ولاء للنبي محمد (ص)

سير يا فرح واحصد بكايا النوح غنيت الحبيبي الما جفا بعمره
ادوخ واشتعل واطفى اذا يضحك حبيبي ويبتسم ثغره
العاشك لو يجن معذور بس المشى بدربه ايفهمه ويعذره
وحك بسمة حبيبي وحوبة العشرة وحك طوله لارديني وركبته وخصره
وحك عينه وكحلهة ونظرته وسحره لو تمطر فشك دنياي ما عوفن حبيبي وابد ما هجره
انا وياي العشك من هزة الكاروك محكوم لحبيبي وما عصيت امره
اذوب وما يمر طرواه واحب اسمه ولو نمام يمي يجيبه ويذكره
يلايم شلك عندي تلومني شتريد وجر موكدك ما هم انا بجمره
لاغني وتسمع الشمات والم الفرحتي سهرة
واصيح بعالي صوت اغناي يا صوت الوفا شكبره
العاشك لو نذر لابد يفي بنذره وانا نذري دما الشريان اسومه وارخص بشعره
لاجل حبك يا نور الكون ياسر الوجود ونعمة القدره
يانور الليالي وبسمة الكمرة ياباب اليتامى وللخلك بشرى
هلة يارحمة الرحمن
هلة يافرحة الحزنان
هلة يا قبلة الايمان
هلة بمولد نبينا ويا هلة بعطره
موسم للفرح ميلاد ابوابراهيم يالحزنان دفرح واهجر العبرة
يلعندك جرح يلي تريد اضماد شاركنه بفرحنا وكل جرح يبره
يلعندك ذنب يل رايد تغفره العن من يضد طه وهلة كل يوم وصلي بعالي صوتك على النبي المختار ابو الزهرة
يابو الزهرة انكشف زيف النفوس وهاضت الزفرة يابو الزهرة
لكينا الجان صاير بالدرب عثرة وعرفنا البيدر المغشوش ومرواحنا الذرة نخبرك لا حشا وانت الذي ادرى طلع كله صريم وشوج بيدرهم ولا بي للصدك دمرة
يريدونا بدنانير الوكت نرخص رخيص العاف دربه وما عرف كدره
رخيص العادة ابو الحسنين ولبايع عدوه وصاير بكتره
نفوا ضلع الزجيه انكسر يالهادي وبتاريخ عدهم ما ثبت كسره
وعلي المولود وسط البيت كالوا علي عنده ذنوب مو معصوم وتألف كتاب انطبع لليقره
خل ينعب غراب البين وخله يلم شراذم خايبة وقذره يضل حبنا على الفطرة وتضل اعمارنا منذورة للعتره ويضل ثابت وفا الخدام لاجل حسين محد يكدر يغيره
اليمس مذهبنا نتحدى ونسحك على عيونه وندبج بصدره
ويضل سيد علي قائد مسيرتنا ونضل جنود اله ونمشي تحت امره

للاستماع

[فقط الأعضاء المسجلين والحلوين يكدرون يخمطون الروابط . دوس هنا للتسجيل]

مع تحيات اسد بابل الجـــــــريح

مشكور على الموضوع الحلو

مشكور وماقصرت اسد

تحياتي اليك

الرحال

اشكركما على مروركما اتمنى لكما الموفقيه والسداد
مع تحيات اسد بابل الجريح

» رسالة ولاء للنبي محمد (ص)
» رسالة من أم كردية لابنتها
» عاجل جدا رسالة ارسلها لكل ايميل
» الإمام أبو محمد الحسن العسكري
» قصيده البرده اروع ما قيل في حق النبي محمد (ص)