مايوم روض الوفه من الورود احمد
للمشه بخير وسعه واجب علي احمد
حبي ودادي نبينه المصطفى احمد
دايم يظل متصل ياربي يشهد علي
خل يگصي بيه الدهر ويزيد ضيمه علي
ماعوف حب الوصي وابقى بولايه علي
بستان حيدر زهر هاك انظر الزهرة
والي يذبلي زهر ماهم انه الزهرة
للموت اصيح بحزن مظلومه يالزهرة
حب الزچيه عمل مايصح مثله حسن
وعروكي ماي الوفه من نهر ودهه حسن
عد يامرة من ولد مثل الامام الحسن
الحنظل بودهم عسل يشفافي بي لحسين
بحب ال طه ارتقي من احسن الاحسين
هنياله كلمن صبح خادم صدك لحسين
الي يضدهم هلك لو عمرة ظل سجاد
الشيعتهم انه فرشت جفن النظر سجاد
ومنك خذيت الصبر ياسيدي السجاد
بصبر العليل اعترف وك يا زمن باقر
عود الصبح للعلم بين الملا باقر
ارسل سلامه النبي لمحمد الباقر
اهل الذكر مهجوم اخذو عليه صادق
ما عدهم ابدا زلل كل قولهم صادق
جعفري انه وهلي و ايمامي الصادق
خل يبرد بشفرته دهري ويحد موسى
عاشگ وعقلي شرك جن العشگ موسى
الحاجتك يامن ردت صد وجهك الموسى
كلمن كصد حضرته بالخير رد و الرضا
نسحگ بعظم الي يضدنه ونكسرة و الرضا
بالكاظم انه قسمت ياسامعي و الرضا
ودهم الروحي درع بين المخاطر تقي
والبايعى للنبي محسوب هذا تقي
يامذهب امامهم كلي جواد وتقي
مذهب الشيعه صبح للغانمه هادي
للشيعه عمري نذر و بلا ثمن هادي
عاشر انوار الهدى من فاطمه الهادي
عسكر بصدر الشعر ما ينهزم عسكري
جندي البني فاطمه واكظي العمر عسكري
لمن يهل بنصر ابنك يهل عسكري
