قصيده بمناسبة الملود النبوي

الواحـــد شـيـله حــط مــكانه الاثــنين

يــظــل ثــابــت مــكانه ومــا تــحـــول

شــلـون آخـــر نـبـي تـعـتبرك الناس؟

لــكـــن تـــنحــسـب عـنـــد الله الأول!

......................

مُــحـمّــد يــلـّي حــبّــك بالگـلب صـار

بـحــر لكــن جــزر مــا بيــه بــس مـد

إلـگلــب أصـبـح قـميص لحــبك ولاگ

وزلـيخـة الــروح صـارت بيـّه واشهد

مـا تــصــبر زلــيخــة لحــبك تـــــــغار

القــمــيــص بــچــفــها كل شويّه ينقد

تــفــرز شــوگ إلك كــل المــسامــات

وإلك بيّــه عـشـگ لـو تعـرف شـگد!

مـــو أوّل بــگــلــبــي اســتـغـفــر الله

بـعـد رب الـســماء الـثانـــي تــنـعــــد

مــنو مثـلك نـبـي كـابـر عــلى الجـور

وحــــمل عـبـئ الــنبوة بصدره وأزيد

القــــرآن لـــو نــــازل عـــــلى جــبال

بـغـضـون أربـع ثـوانـي أجـبـال تـنهد

وإذا قــاســوك بـصـحــاب الـرسـالات

اعــتــبــرك شــمــس والـباقــي فـرقد

مــوســى وبـجّـبـل بــس كــلّــــــم الله

مــا شـافـه...وسـمـع صـوتـه مـجــرد

وصعــد عــيسى بأمـر رب السماوات

قــبــل ألفــيــن عــام ...لهــسه مــارد

وأنــتَ الطلــب شــوفــك خـالق الكون

رادك للســمـــاء الســـبـــع تــصـــعــد

جــان البـيـنـكم بـس بردة مـن الضوء

ونــدري الضــوء ابـد مـا يعــتبر حــد

صعـدت أنتَ..وشفـت دنـيا وحـسابات

بـقـيـت سـنـيـن فــوگ اطــوال بالعــد

وبقـائـــك بالسماء أنـحـسب لحـظـات

مثـل صوت انعـكس ولصاحـبه ارتــد

الدلـيـل أفــراشك الــدافي ولمن جيت

بـعـده ومـالـحـگ مـن دفـوه يـبــــرد

لمرتــبـتـك قــَـسم ما وصـل جـبــريل

ولا واصــــل ابـــد مــكــانــك احـــــد

ومـو قـصدي انــتقص من النـبـيـيـّن

ألـبـيـهـم مـا أمــن تـعــتـبـره مـرتـــد

لـچــن الله ومـلائـكـتـه الخــدومــيـن

عـلــيك أنــتَ فـقــط صــلـّــو محــمّـد

اللـغة تصيرن گـبر من اسمك أطرية

تـمـوت أحــرف العــلّة وأحـرف المد

ويـــلــومــون اليـحـبّـك وأنتَ مولاي

اليعــرفك گــلبه رأسـن بيــك يـنـشــد

عــبد مــشرك بـلال وبـس سمع بيـك

نــكـــر آلــهــة أمـــيــة وگـــال احــد

وحــگ الــبــصّـــلاة ذكّـــــر بالأليــن

الــهــجـاك أنـعــامـله بـقسوة بلا لين

يــصــيـر ويـاك واحـدنــه بـلالــيــــن

ويذب الصخرة من صدره أعلى امية

بـيــك أوصــاف تـتـناقض على الخير

طــبع الســيف أعــرفــك نـاعــم الخد

وإذا طــبعــك خـشن أصحابك سيوف

تــدنـگ اگــبال عــلمك وإنـتَ مـبــرد

لان ادري الســيــوف التــثــلم تـموت

ومــا تــحــيـى إذا مــا بــيــك تــنـحــد

وتــرى الـيــد الإســاءة بالأمــس ليك

بـنـفـس چــفــها اتــگـطـع بـاچـر اليد

والــوجه الضــحك مـن مسّــك السوء

باچــر ينّـــسخ ويــصــيــــر اســـــود

فـتــح فـجـوة الغـرب من استهـن بيك

گـلــي بـيا عـذر هـــل فـجـوة تـنسد؟؟

عـنـدك أمّـة تسـحگ (داني بن مارك)

وتعـلمه الفـرق بــيـن اللعـــب والجــد

واحــدهــم إذا هـــد الــرمـــح فــــوگ

يـشگ قـرص الشمس تارمـحه ينصد

وكـلما بالغــضـب رادو يـفـــيــضــون

غــصــب حـكّــامهـم صــارولهـم ســد

وإذا نفرض جــهــنـم تـخـمـد بــيـــوم

نــاري أعــليك ابــد مــا ظــنتي تخمد

والإســلام ابــد مــا حـسـبــه إســــلام

ولاگــولـــن عــلى الإســــلام مــسعــد

إذا مـا يـــبــنــي إلك بــأوربــا تـمثالك

وكـــــل 100 مــتـر يــبنالــه مــعـــبد

مع تحيات اسد بابل الجريح

مشكور اسد بابل على الموضوع الجميل والكلمات الاروع

تحياتي اليكم ودمتم بود

الرحال

روعه مشكور

اشكرك موضوع رائع

اشكرك موضوع رائع

اشكركم على مروركم
نورتو الموضوع ابتواجدكم
مع تحياتي

» قصيده وطنيه
» قصيده اعتذر للرسول
» قصيده البرده اروع ما قيل في حق النبي محمد (ص)
» قصيده بحق الامام المهدي المنتضر( عليه السلام)
» قصيده بحق الامام المهدي عجل الله تعالى فرجه