قصيدة لهفة المغتربين ياحسين

الهی ان چان ما ردن لبو یمه
اخذ روحی بغیابه الموت الی رحمه
انا من سنین انادی و الدمع یجری
الهی بفگد ابوالیمه نکسر ظهری
ذبل عودی خلصت روحی و خلص صبری
شبگه بعمری شلی بعمری دخذ عمری
ترخ الفاگد حبیبه الموت مایهمه
انا من سنین انادی و الدمع یجری
الهی و کل شخص من یفگد احبابه
تزوره الناس و تواسیه بمصابه
تذکره بیوم ابو السجاد و صوابه
لچن و الدمعته علی حسین سچابه
بیش الوادم تواسیه و شتکلمه
شیگلی بفگد ابو الیمه الیواسینی
اشو عینه بغیابه تهل مثل عینی
یبوالیمه شگطع ما بینک و بینی
یبوالیمه عسی لا طالت سنینی
یبوالیمه بغیابک ماتت البسمه
بغیابک البسمه علی شفافی
حملت هموم هجرانک علی اچتافی
وین محبتک یابوگلب صافی
مو کافی موکافی موکافی
موکافی البعد یاحسین موکافی
انا بفرگاک اعمه و تایه ابظلمه
انا بفرگاک لیلی ما طلع صبحه
انا بفرگاک طیر و منکسر جنحه
انا بفرگاک دلالی شعه جرحه
انا بفرگاک کل ساعه نذبح ذبحه
و کل ساعه انلچم فوگ الذبح لچمه
و کل ساعه انلچم و اتطشر و التم
مثل الیفگد بکل ساعه خال و عم
یمن بعدک خناجر ناگعات بسم
و همک ما تحمله الگاع هذا الهم
وحتی الگاع معنی البعد تفتهمه
تموت الگاع لو ماشافت المطره
و یموت الطیر لو ما یرد للشجره
و حگ الخالقک یا ضنوه الزهره
نموت نموت لو ما نرد للحضره
و ترد ارواحنا بس روضک نشمه
نشم روضک صدگ یا حسین تتکرر
ایام المضت یمک یبو الاکبر
و شتذکر یبو السجاد شتذکر
المواکب ذیج و ذاک المشعل الیفتر
و الناس تجیک بحزن مهتمه
الک چنه بموکب حزن نتعنه
و بیراقنا ترف و یضوی مشعلنه
لعد بابک نهل دمعاتنه بونه
لون طبینه صحنک صرنه بالجنه
و محلاهه الخلگ بالجنه ملتمه
محلاهه ملتمه بالجنه
تلطم علی الصدور و تحن فرد حنه
و المرحوم حمزه یردد بونه
المن هالشموع و المن الحنه
ویا نعمل من کاظم ینضمه
و عل المر و الحلو چنه و چنت یا حسین
لاچن وین ذبنی الدهر عنک وین
هذا اللی صفه یا ضنوه الطیبین
اصبحنه لمصابک نبچی لمصابین
جرحک و البعد و البعد شیهضمه
هضم والله لمصابک نبجی عل الغربه
شیصبر الغریب المنکسر گلبه
صدگ الطم و عینی المرقدک تربه
صدگ صحنک یا غالی شوفته صعبه
صدگ بس بالحلم یتراولی رسمه
صدگ یا حسین صرنه نزورک من بعید
صدگ مثل الیتیم الماتهنی بعید
صدگ صرنه نگد الاید فوگ الاید
بعد شیفید یا حسین العتب شیفید
سهم دهری رمانی و ما خطی سهمه
سهم فوگ السهم یا حسین عام بعام
لا صبر یفید و لا جرح یلتام
مثل حال العقیله الغربت للشام
لا گلب الیهید و لا العیون تنام
و الگلب الیفارگ خله شنیمه
کل عام الیمر تزداد محنتنه
نگول بهالسنه تنزال غربتنه
و نضل نتنه و بعد نتنه و بعد نتنه
یا حسین لچن یا حسین حتی الناس ملتنه
و حگهه الناس کلمن حایر بهمه
ملتنه الخلگ یا بن علی حیدر
نتحمل مصایب و الگلب یسعر
و نتصبر یبوالسجاد نتصبر
لجن ننخاک و لا تنسانه بالمحشر
تره بلیاک محد ینمحی جرمه
الهی ان چان ما ردن لبو یمه
اخذ روحی بغیابه الموت الی رحمه

مع تحياتي

منقووووول

مشكور على الموضوع

مشكور قبطان على المرور نوت المنتدى

اشكرك على الموضوع الحلو وأن كان منقول
مع تحيات اسد بابل الجريح

مشكور كلمات جميلة وحقا يستحقها ابو اليمة

مشكور رحال كلمات جميلة

اشكرك اخي مرة اخرى

» اغرب قصيدة حب لأهل البيت(ع)
» قصيدة عن الوطن الحبيب (العراق
» قصيدة البارحه للشاعر عباس جيجان
» قصيدة خندق الروح
» قصيدة رثاء لــ شيخ المدربين عمو بابا